السسسلام عليكم
وحشتوني ي جميلات ايش اخباركم ؟
سالتكم في تويتر وانستقرام وخيرتكم بين موضوعين حابين اتكلم عنها
صراحة انا كنت محتارة وحيرتوني اكثر ههههه
بس اغلبكم اختار اتكلم عن منتجات ندمت اني اشتريتها
وبرضو الموضوع الثاني الي هو مفضلاتي حتكلم عنه قريب ان شاء الله
سو يلا نبدا بوضوع اليوم الي جدا قاهرني و ابغى احش واطلع حرتي عشان ارتاح لان حاولت كثير معها ولا استفدت منها شي
النوت بوك الجميل مره احبه واكتب في المواضيع الي حابة اتكلم عنها في المدونة
و صورة جماعية ندمانية :(
3 اقلام كحل من نيكس ع اني احب هذي الماركة وعندهم حاجات جميلة االا ان هذي النوعيه من الاقلام م حبيتها
- اول شي من اليمين كحل جمبو اسود م حبيته لاني م استفدت منه شي
مو مره غامق لونه كويس لكن صعب الدمج ويطلع باهت اذا كان اساس للشدو
و صعب استخدامه ك كحل عادي للعين لانو كبير ويخبص كل شي
- ثاني شي كحل اسود اسمه stain finish black مو مره اسود وغير كذا مره يسيح
ومو ثابت ابدا م حبيته
- ثالث شي كحل لونو تقريبا ذهبي على روز قولد شي زي كذا سبق واتكلمت عنه في بوست مشترياتي
وحطيت سواتش له , لونو جميل لكن بالعين مو واضح لازم احط واحط ,ومع الوقت يخفتي ويبقى شمر خفيف ابدا شكلو مو حلو
- من اليمين برونزر او بلش برونز من مايبلين واليسار بلش برضو من مايبيلن
الوانهم جدا ججميلة في العلب وحتى لما تحطي منهم لكن مشكلتهم لازم مضاربه على م يطلع اللون يعني تحطي وتحطي لين تتعبي
مره شي يقهر وهذا اكثر شي يخليني اكره المنتج انو البيقمنتيشن او ظهور اللون فيه يكون خفيف وزي الهوا ويتعب على م يظهر اللون
شايفين كيف الوانهم جميلة مع شمر خفيف وجميل للكن لاسف :(
- الليب بتر او زبدة الشفايف من ريفلون الي كل العالم طاحو فيها وعجبتهم
انا م اعرف هل المشكلة من الدرجه نفسها او المنتج نفسه لكن مشكلتي معاه انو ملياااااااااااااان شمر ولمعة ذهبية كبيره
تقهر مره لما اححطه احس كان ااقول للناس شوفو شفايفي تبرق برق
م جربت الا هذا اللون وما حبيته ابدا غير انو كمان اللون بينك جدا خفيف
اخر شي رميته وسويت مرطب شفايف وحطيته ب العلبة ع الاقل استفيد منه بشي
البنات الي جربو نفس هذي الدرجة قولولي انتو عندكم نفس المشكلة هذي ولا انا طحت بواحد خربان معرف ايش المشكلة
- بيبي كريم من ذا بودي شوب بالبداية كنت حابته وحابة التغطية مع ان اللون غامق علي يعطي ع برونز بس كان عاجبني
فجاه مع الاستعمال صار يطلعلي حبوب بوجهي شي كبير وبارز وشي صغار ونقط تحت البشره
تركته فترة ورجعت جربته قبل كم يوم طلعت نفس المشكلة
المفروض انو البيبي كريمز اخف من الفونديشن ومفيده للبشره لكن للاسف الشي دا خرب بشرتي
- اه بس نجي للقهر الكبير هذا المنتج من شانيل عبارة عن كونسيلر وكوركتور بنفس الوقت يعني خافي عيوب ومصحح للون
اولا الي يقهر فيه انو فاتح جدا صح مع الوقت يخف شوي بس برضو فاتح
ثقيل ويخطط تحت العين ويتكتل باقي مناطق الوجه لا عادي لكن تحت العين شكلو مو حلو
ممكن مع الترطيب الكويس يمشي الحال بس انا م حبيته
وكمان صعب في الدمج تحتاجي وقت وطولة بال وانا م عندي هذي الصفه انا انسانه ملوله وعجوله للاسف :(
راح اكمل استخدمه بكذا طريقه عشان احلل فلوسه :/
هذا الشي الجميل الكيوت الي اكرهه من جد لاني اساسا م لحقت اتهنى فيه واستخدمه
باختصار المنتج عباره عن اذا حابة تقيمي حفلة زفاف في وجهك حطي هذا الباودر وحتلقي لق على ضمانتي :/
اخدته ع اساس لوس باودر لتثبيت الفونديشن وفي المحل كان يبيع رجال وشفت الدرجة واخترتها وعجبتي وع اساس اعطاني نفسها
بعد كم يوم في البيت فتحته بجربه واحط ع وجهي الا الاقي لمعة دهبية مع نقط ذهبي وبنك تهل في كل وجهي
م شاء الله ايش دا ؟؟ يعني انا اثبت بباودر عشان اخفف اللمعة تقومو تعملو منتج مو بس يلمع لا كاني قطعة قماش وترتر كمان :)
انا عارفة اني جالسه احش كثير مره سوري بس بجد شي يقهر
مافي امل انو استخدمه وسويت بحث عنه في اليوتيوب لقيت بس وحده تتكلم عنه وتقول اشترته عجبها ك لمعة للجسم
انا جربت وابدا م عجبني النقط الي فيه مره كبيرة وبارزه وتقهر
الي جربته بليز تقولي ايش تسوي فيه ولا ايش الطريقة الصحيحه لاستخدامه وشكرا
لونو بينك خفيف مره وحاولت اوضح الشيمر لكن م ضبط معي
- مسكرة the colo ssal من مايبلين
ذكرتها في بوست مشترياتي من فترة
م حبيتها لان طريقة وضعها صعبه يعني تطبع في كل مكان فوق وتحت الجفن واول مره اعاني من هذي المشكلة مع المسكرات
والمفروض انها للتطويل لكن م لاحظت اي فرق يذكر
غير عن كذا انها تنشف وتتكتل ع الرموش وبعد فترة تطيح على عيوني نقط المسكرا السوده ومحد يحب ه المنظر
هذي فرشتها :)
انا عارفة انو بنات كثير راح يعارضوني في مقشر لش للشفايف وفيه كثير يحبوه لكن انا ابدا عجبني
اولا م يقشر كويس جربته بكذا طريقة م استفدت منه شي الي يشفع له بس ريحته انو حلوه بخلصه وبس م راح ارجع اشتريه م حبيته
كريم مكثف لمحاربة الحبوب من كليراسل
باختصار م اسفتدت منه ولا نقطه
الكريم حق الحبوب في خلاص 4 ساعات افضل منه وسبق وذكرته
توب كوت من ايسنس المفروض انو ينشف بسرعه وعلى هذا الاساس اشتريته
م ينشف ولا شي وغير كذا احسه يطلع زي النقط في المناكير ويخرب شكلها
اخر شي مناكير من اتش اند ام , مشكلتي الوحيده معاه انو لونو من الالوان الي تشوه اليد وتغمقها وتطلعها مو حلوه مع ان لونه مره جميله ب العلبة
درجته check me out
وبس كان هذا بوست وحش اليوم الشركات الي ذكرتها احبها مو عشان فيه حاجات م عجبتني يعني كلها مو كويسه بالعكس
والحاجات الي م عجبتني ممكن م ناسبتني وتكون تعجب غيري
اتمنى تشاركوني ارائكم وتجاربكم سواء حلوه او لا على المنتجات الي ذكرتها
وان شاء الله يكون عجبكم الموضوع
بحفط الرحمن
منتجات كلها جدا رائعة حبيبتى
ردحذفيعطيك العافية
يعافيك يارب
حذف