رفيو عن منتجات من لانكوم ..

السلام عليكم 

كيفكم ي جميلات .. وحشتوني بجد .. خلاص حبيتكم واتعودت ع كل وحده فيكم 

وصارت المدونة شي جميل بحياتي 

قبل فترة نزلت صورة بالانسقرام عن هدية جممميلة جدا , مره انبسطت فيها وبجد مهما كانت الهدية يكفي انها من ناس نحبهم 

طبعا كل الي اعرفة انها من سيفورا دبي وما رحت سيفورا قريب فما اعرف اذا السيت او المجموعة موجودة عندنا او لا 

بس طبعا المنتجات كلها متوفرة في لانكوم 

طبعا حبيت اتكلم عن منتجات في بعضها جربتها وبعضها لا 

 وع فكره مو عشانها هديه راح امدحها لا طبعا 

زي م تعرفوني راي بدون مجاملة لاي شي اتكلم عنه سواء حبيته او لا 

ومعرف اشبي معلقة ع طبعا :/

يلا نبدا 

هذي شكل المجموعة والمنتجات الي فيها 

اول باليت عبارة عن اضاءة لونها جميل جدا خفيفه تقدري تتحكمي 

انك تزيدي كل م حبيتي لان لونها مو قوي

وكمان تطلع حلوه تحت الحاجب 

...

بلشر مشمشي بقلتر خفيف مررررره لونه جميل يعطي نور للوجه 

اخر شي المفروض كونتور بس اللون جدا خفيف ممكن ينفع للبشرات الفاتحه جدا 

بس انا راح استخدمه ك اي شدو لان لونه مره حلو ينفع بكسرة الحاجب

ثاني باليت شدو 

الوانه جميلة ترابيه تحتاج برايمر عشان توضح بالذات الالوان الفاتحه 

بس عموما مره حبيتها وراح استخدمها كثير 

3 قلوسات انشهرت بس لاني مو مره احب القلوسات م فكرت اجربها 

بس هذي الوانها مره حلوه والقلوس نفسه م يلزق بالشفايف ويسوي حوسه 

عيبها اول م احطها تكون فيها قلتر او لمعة قوية بس مع الوقت تخف 

اول لونين من اليمين الوانها قوية بس اخر واحد بينك شبه شفاف 

م نشف الشفايف واذا بدات تروح تعطي شكل ولون طبيعي حلو للشفايف 

صورة اوضح للالوان 

من اليمين فوشي و بعدين مشمشي واخر شي بينك جدا خفيف

مزيل مكياج العيون الحساسه 

عجبني ججمة المتوسط 

م استخدمته كثير بس للان يزيل كل شي جربته 

وخفيف مش زيتي مع انو نص زيت ونص سائل ارجه قبل الاستخدام

وما اتحسست منه للان 

ي ناااااس حجمة يدننن صغنون مره 

عطر لا في اي بيل المعروف 

مرررره حبيت ريحته وراح اجيب الحجم الكبير 

بس مره احسه ريحة هذا غير عن العطر الي يبيعوه عندنا :(

شكلو مضحوك علينا 

يلا م عليه 

مسكرة ايبونس الجميييييييله 

طبعا معروفة قد ايش سوادها وكيف تخلي الرموش جدا كثيفة 

بدون م تكتل ولا تسيح سبق وجربتها من قبل 

وانبسطت انو حاطين 3 انواع منها بجربها واشوف ايش اكثر وحدة عجبتني 

طبعا كريمات العناية وغسولات تنظيف البشرة من لانكوم 

انا مرررره احبها 

من اليمين كان عندي منه الحجم الكبير وطول ع م خلص 

وظيفته يرطب الوجه ويوحد لون البشرة ويزيل التصبغات

م لاحظت ذا الشي الي لاحطته انو يخلي البشرة كنها قطن بجد بجد

استبدلته بالكريم المرطب واحطه برضو قبل الميك اب 

م راح تفهم كلامي الا الي تجربة 

.....

الي بالنص كريم للعيون ترطيبة حلو وخفيف واكثرررر 

شي حبيته الكورة الي احط فيها الكريم 

قد ايش تبرد ع المنطقه وتنعش 

....

اخر واحد كريم جينفيك المفروض انو يعالج جميع مشاكل البشرة من الداخل 

يعني جينات البشرة الداخلية ويخلصها من مشاكلها 

اممم نجرب ونشوف  

هذي هيا الكورة وتعبتني ابغى اصورها كويس م نفع ههههههه

وبس هذا البوست حق اليوم ان شاء الله يكون خفيف ولطيف وتستفيدو منه 

ك العاده اقتراحاتكم لبوسات ومواضيع جديدة مره تهمني 

ترى احيانا تجيني افكار واحيانا اعصر مخي م يجيني شي هههههه

حسابي في تويتر وانستقرام والاسك والكيك كلها موجودة بالمدونة 

بحفط الرحمن