مرحبا بنات
موضوع اليوم بسيط اعرض فيه تجربتي لمنتجات مرسله لي من شركة دريما زون
dermazone
اول شي اتكلم بشكل مبسط عن الشركه هي شركة اماراتيه مقرها دبي
تعرض منتجاتها في موقع الكتروني سهل التسجيل والتسوق من خلاله
تعرض منتجات للعنايه بالمراة سواء بشرة او صحه او للشعر وغيرها الكثير
تعرض المنتجات بالريال السعودي وكمان توصل مباشرة للسعوديه
الشركة اتواصلو معي عشان يرسلولي منتجات مختارة اجربها واتكلم لكم عنها وهل عجبتني واستفدت منها او لا
وصلتني المنتجات قبل شهرين تقريبا وجربتها وخلصت بعضها عشان اتاكد من الكلام الي اقوله لكم
وطبعا قبل كل شي متابعاتي عارفين مصداقيتي وكثير منكم يجربو منتجات اتكلمت عنها ويوافقوني الراي سواء حبيتها او لا
وطبعا كلنا نختلف م نقدر نجمع ع حب او كره منتج
طيب يلا نشوف المنتجات
وصلت في هذا البوكس جميل ومرتب
شكل المنتجات من داخل وهي عبارة عن :
iwhite نظام تبيض الاسنان
ivory caps كريم تفتيح للجسم و جل تفتيح الاماكن الحساسه
عينة من واقي السمش castalia
اول شي قوالب تبيض الاسنان
تجي في العلبه 10 قوالب كاتبين في طريقة الاستخدام
تحطي القوالب ع اسنان نظيفة لمدة 20 دقيقه لمدة 8 ايام
كاتبين ان المنتج مصنوع من مواد امنه و طبيعة ع الاسنان
مميزات المنتج :
1- اسناني جدا حساسه وسبق استخدمت منتجات تبيض من قبل و عدمت اسناني بعكس هذا المنتج الي كان جدا جدا خفيف وما حسيت باي الم او تحسس في الاسنان او اللثة وهذا الشي حمسني اكمل الكورس
2- مدة استخدام القالب 20 دقيقه يعني م احتاج اطول وانا حاطتها
3- طريقة الاستخدام سهله مجرد افتح القالب واحطه
4 التفتيح يبان من اول استعمال بشكل بسيط يعني ينفع تستخدميه لو عندك مناسبه قريبه
عيوب المنتج :
1- القوالب نفسها مو مريحة يعني لازم اكون مقفله فمي مقدر اتكلم او افتح فمي لانها راح تزحلق وتطيح
2- التفتيح يبان مره ع مره بس بشكل بسيط يعني مش بياض ناصع بس تحسي فرق وانو اسنانك فيها لمعة ونظيفة
3 - التبيض بعد مدة يبدا يختفي شوي شوي وترجع الاسنان لطبيعتها لو م حافظتي عليها
صورة اقرب للقوالب
ثاني منتج واجمل منتج حبيته اكثررر شي من كل المنتجات هو كريم تفتيح للجسم
م اخفي عليكم انو بالبدايه م كنت متوقعة اي نتيجه لانو سبق جربت كثير م استفدت شي
بس مع الاستخدام انبهرت بالنتيجه واتحمست اكمل لين خلصت العبوة كاملة وناوية ان شاء الله اطلبه مره ثانيه
طريقة الاستخدام :
كريم موضعي تحطية مرتين باليوم انا كنت احطه مره بالليل واخليه للصبح
تستخدميه ع اي منطقة فيها تصبغات وحابه تفتحيها للونها الطبيعي زي اثار حبوب او جفاف وغيرها
مميزات المنتج :
1- المنتج عبارة عن كريم ابيض ميزته خفيف وتمتصه البشرة بسهوله ولا يترك اثر دهني ع البشره
2- ريحته خفيفه وتروح مع الوقت وتختفي
3- المنتج فعلا فعلا فتح الي المناطق الي كنت اعاني فيها من الجفاف وسمرت بنسبه 60% صراحة جدا عجبني والله والنتيجة ارضتني
4- النتيجة تبان من اول اسبوع وبشكل واضح تدريجيا
5- العبوة خفيفه وسهلة النقل والاستخدام
6- م صار لي اي حكة او تحسس او اثار جانبيه الحمدلله
عيوب المنتج :
بالنسبه لي م اشوف في اي عيب
ملاحظة :
تركت استخدام المنتج فتره عشان اشوف هل اذا وقفته راح يرجع يغمق اللون او اتحسس او اي شي يصير
والحمدلله النتيجه بقت نفسها وما صار اي شي
وملاحظة كمان م استخدمت المنتج ع وجهي نهائيا
صورة ثانية للحب .. جد بنات هذا المنتج انصحكم فية وبشده ويارب يفيدكم زي م فادني
جل تفتيح الاماكن الحساسه بالجسم
مميزات المنتج
المنتج كويس ونتايجة حلوه بس الكريم حبيته اكثر منه والسبب في الفرق
شوفوها في العيوب
العيوب ؛
1- تركيبتة اثقل من الاول وياخذ وقت ع م تمتصه البشرة
2- نتايجة اقل سرعة من الكريم
3 - ريحتة قوية ومزعجة بالنسبه لي م قدرت اتقبلها وتمسك بالجسم والملابس وتروح مع الشور
اخر شي ارسلوه عينة مجانية لواقي شمس قوته 50
الواقي كويس وجميل مافيه شي مميز او شي سيئ
تممتصه البشرة بسهوله وما يترك اكثر دهني كثير
...................................
اخر شي طبعا حبيت انكم تجربو المنتجات الي تحسو انها راح تفيدكم
وكمان تقدرو تتصفحو موقعهم فيه شغلات حلوه كثير
اتواصلت مع الشركة عشان اعمل لكم خصم وكانت جدا متعاونه وكريمه
وقدمت لمتابعاتي خصم 10% للمشتريات بقيمة 600 ريال واكثر
كود الخصم ( lamis10% )
للاسعار والمعلومات والاستفسارات هذا رابط الموقع
http://store.dermazone.net/
اخر شي حابة اشكر دريما زون ع تواصلهم معي وكانو جدا اخلاق وجاوبو ع كل استفساراتي بصدر رحب
واشكركم متابعاتي الي تتفاعلو معي دايما واتمنى الموضوع يعجبكم
انتظروني قريبا ان شاء الله مواضع اكثر ومفاجات اكثر باذن الله
بحفظ الرحمن
ربي يسعدك حبيت حق التبيض وقوالب الاسنان
ردحذفان شاء الله لي استخدام معها
شكرا لتعليقك ي عسل وان شاء الله تستفيدي
حذف