سلام بنات
كيفكم مع الاجواء الجميلة هذي اليومين
الله يديمها علينا يارب
بوست اليوم واضح من العنوان
منتجات خلصتها يعني اقدر احكم عليها 100%
راح اقولكم حبيتها او لا وليش
و هالشي راح يساعدكم لما تحبو تجربو او تشترو شي
اتمنى تستفيدو
اكثر شي يونس انو اخيرا رح اقدر ارمي الي جمعتهم ههههههه
اول شي بتكلم عن ماسكات جاهزة للوجه من محل كوري اسمه the face shop
الي جذبني في المحل انومره كيوت وكل شي مقسم ومكتوب تحته لايش يستخدم
قبل فتره مريت بحالة جفاف شديد في وجهي و يديني بالذات فقلت بجرب ماسكاتهم
لان سعرها حلو كمان , الفرع الي اشتريت منه في العثيم مول حي الربوة
ماسك ترطيب لليد بزيت الزيتون , حجمة كبير زي منتو شايفين يجي منه اثنين
تلبسيه ربع ساعة او متى م حسيتي الماده الي فيه نشفت
ترطيبه جدا جميل ريح يدي وخلاها لينه ورجعت اشتريت واحد ثاني واستخدمته كمان
القلفز م رميتها غسلتها ودهنت ايدي كريم ثقيل ولبستها والنتجيه واو
اترطبت يدي اكثر واكثر لاني حسيت القلفز يمسك الرطوبه في اليد كويس
يس راح ارجع اشتريه
مره انصح فيه جربوه
سعره 30 ريال
ثاني شي ماسك الكولاجين للوجه
الي حبيته انو الماسك نفسه مليان من الماده السايلة مو شبة ناشف زي بعض الماسكات
والقماش نفسه قوي تقدري تحطيه وانتي مرتاحه مو خايفه يتقطع معاكي وانتي تستعمليه
النتيجه جميله حسيت بترطيب وليونه ببشرة وجهي مره حبيته
وراح ارجع اشتريه
سعره 12 ريال
الماسك الثاني للوجة ب الارز
وظيفته يهدي البشرة ويساعد في تفتيح التصبغات والاثار
اممم م حسيت سوالي شي يذكر حتى ترطيبة مو ذاك الشي جدا عادي
ممكن يبغاله اكثر من واحد عشان تشوفي النتيجه م اعرف
غير كذا زي م انتو شايفين الماسك قماسة يميل للقطن الخفيف صعب التحكم فيه يلزق بنفسه ويتقطع
عن نفسي م راح ارجع اشتريه
سعره 12 ريال
من دايسو سبق وشفتوها بمشترياتي وقلت لكم اجربه واقول لكم النتجيه
عبارة عن لصقات لباطن الرجل تحتوي على مادة تساعد على اخراج السموم من الجسم خلال النوم
وتمدك بالنشاط والحيوية
الي ع اليمين عجبني جدا لما صحيت حسيت اني نشيطه مع اني نمت متاخر وما اخذت كفايتي من النوم
حبيته واشتريت لبابا منه وراح ارجع اشتريه
الثاني م حسيت بشي يذكر ابدا مع اني جربت كذا واحد منه بس م راح ارجع اشتريه
اسعارهم اتوقع 7 ريال
مزيل شعر الوجه من بوتس سبق واتكلمت عنه بالتفصيل في موضوع العناية بالبشرة
انبوبين يجو بنفس العلبه كريم الخطوة الاولى لازالة الشعر خلصته وحبيته
يشيل الشعر بسهوله وما حسس بشرتي ممكن لاني استخدم بعده مرهم فودوسين
حبيته وبرجع اشتريه ينفع للطوارى او ايام الكسل
الثاني كريم مرطب بعد الخطوة الاولى بس انا م استخدمته
كريم العيون من لانكوم من مجموعة جينيفيك
مره حبيته يرطب العين بشكل مره كويس ويعطيها مظهر صحي ويخفف الهالات بشكل بسيط
انا هالاتي جدا سيئة وحسيت بفرق من استخدامي له , انصح فيه
ممكن ارجع اشتريه بس احب اجرب شي جديد كل مره بالذات في منتجات العناية
كونسيلر او خافي عيوب من ريفلون من مجموعة فوتو ريدي
كريمي سهل الاستخدام والدمج استخدمه للهالات وللحبوب واثار الحبوب
ثباته كويسه وتغطيته عاليه
اشتريت منه لما قرب خذا يخلص وخلص وجالسه استخدم الجديد
سعره 64 وكل فترة يتغير السعر :/
تونر من مجموعة 3 ستبس من كلينيك رقمه 3 للبشرة دهنية مختلطة
مره حبيته عبارة عن قابض للمسام ومقشر خفيف بنفس الوقت يشيل الطبقة الخارجيه من البشرة
حبيت انه فعال بنفس الوقت م حسس بشرتي وهذي مشكلة بالنسبه لي مع التونرز انو تجفف بشرتي وتحسسها
عيبة انه يخلص بسرعه معرف ليه وكمان الفتحة كبيره مره يخرج كمية زياده عن الي احتاجها
بس اكيد راح ارجع اشتريه
زي م قلت لكم انو يدي جاتها فترة جفاف لدرجة صارت تتقشر وتوجعني
استخدمت لها هذا الكريم الثقيل جدا من افالون فارما وحل لي المشكلة 80%
كريم ثقيل جدا ويطفش م تمتصه البشرة بسهوله لكن يرطب من قلب ويعطي شعور مريح لليد
انصح فيه لفتره الشتا القادمه
ممكن اشتريه لو رجعت يدي للحالة نفسها
غسول يدين من بودي شوب من مجموعة اللوز للعناية باليدين
غسول عادي م فيه شي مميز الا انه م ينشف اليد لانه تركيبته تقريبا كريمي
ريحته حلوه زي الكريم من نفس المجموعة الي مره احبه
م اتوقع ارجع اشتريه
دراي شامبو من صيدلية بوتس
كل مره كنت اروح ادور بتيست الي سبق واتكلمت عنه وم القاه ف اظطريت اشتري هذا واجربه
كويس نوعا ما لكن لازم ابخ كثير لين اوصل للنتيجه الي ابغاها بعكس بتيست الي ع طول يعطيني النتيجه المطلوبه
م راح ارجع اشتريه الا للضرورة
شامبو لوريال الفيف للشعر المصبوغ
مره م حبيته جفف شعري جدا جدا جدا كرهت اغسل شعري بسببه
م ناسبني وما راح ارجع اشتريه
شور جل من صيدلية بوتس سبق واتكلمت عنها من قبل
مره احبها تنظف كويس وترطب بشكل خفيف وما تجفف الجسم
اشتريت منها كثثر وراح ارجع اشتري
روايحها جميله بس مجرد م اطلع من الشور تختفي
سعرها ع م اذكر ب العشرينات
..............................................
وخلصنا اتمنى البوست يعجبكم واستنوني دايما في موضوعات جديدة
الاسعار الي م ذكرتها يعني ناسيتها وانا اساسا مره م افتكر
ف صرت اذا اشتريت شي اخلي الفاتورة عشان اقولكم :)
تابعوني في تويتر عشان يوصلكم كل جديد @style_ladys
وكمان ع انستقرام الفترة الجاية رح اتكلم عن حاجات واعمل رفيوز بسيطه لمنتجات
style_ladys
وكمان لو عندكم استفسارات او اقتراحات واسئلة اكتبوها في التعليقات او حسابي في الاسك تلاقو الرابط في تويتر
بحفظ الرحمن ..
ليست هناك تعليقات:
إرسال تعليق