السسسسسسسسسسلام عليكم
كيفكم بنات مررره وحشتوني ووحشتني مشاركاتكم وتعليقاتكم الحلوة
مره طولت عارفة بس مره روتيني اتلخبط وانشغلت وكذا
بس دايما انتو والمدونة ف بالي بس ان شاء الله راجعة وعندي مواضيع كثير اتكلم عنها
وطبعا من ضمنها المواضيع الي طلبتو اتكلم عنا
اليوم حكمل اخر موضوع من سلسلة مكياج الخريف والشتاء
حيكون عن مكياج العيون
الترند هذي السنة مو مره مختلف يميزة الاي شدو بلون واحد غامق
على الجفن العلوي المتحرك والسفلي بشكل خفيف
وكمان اللون القلتري او الامع بشكل واضح ع كامل الجفن او في المنتصف
طبعا الكات اي بكل موسم حاظرة وما تقدم ابدا
حلو انك تجربي حاجات جديدة وتشوفي كيف يطلع شكلك
بالنسبه لي من فترة الي بديت احب الشدوات وادخل فيها
زمان كنت اشتري الوان محدوده ومن الدرق ستور بس
اما الان حبيتها وصرت اشتريها اكثر شي
ادري اني انفكيت بس اتكلم ف يلا نبدا ب الشدوات حقتي
طبعا الي تناسب هذا الموسم واي موسم ثاني
في حاجات م صورتها لاني م اتذكرتها الا بعدين :|
اول شي في ميك اب العيون هو البيس او البرايمر
زي ماهو مهم للوجه كمان مهم للعيون
فايدته يثبت اللون ويوضحه بشكل كبير
تقريبا موجود باغلب الماركات في الهاي اند والدرج ستور برضو
الي حبيته من ايسنس الماركه هاذي كل مره اكتشف ان فيها حاجات جميله
بس مو مهتمين فيها عندنا مو دايما الاقي كل المنتجات موجوده
البرايمر ثباته مره كويس م واجهت معاه مشاكل
قرب يخلص الاول ف اشتريت واحد احتياط
انصح فيه وسعره رخيص اتوقع في العشرينات
الشي هذا الي مسكين م بقى منه شي هو المفروض انو خافي حواجب
بس انا كنت استخدمه برايمر ومررره ماشي تمام
من مكياجي لونه يميل للبنك والمشمشي معرف كيف
المهم انو حلو
البالت هذامن شانيل بالرغم من حبي لها الا انو هذا الباليت زعلني
الوانه جميلة بس خفيفه
ضروررري برايمر والا اللون بيكون هوا
ومع البرايمير لازم تحطي وتحطي لين يطلع اللون تمام
الموف والوردي المشمشي مات والباقي شمر خفيف
بس حبيت الوانه وااستخدمه
الجميل هذا من ديور واتوقع لمتيد ايدشن بس م اعرف اذا الالوان فيه منها مفردة
مررررره جميل والوانه واضحة جداوسهلة الدمج كلها شمر ومعاها اي لاينر بني
انصح فيه بجد جميل
الباليت هذا من ماركة فلومار الي برضو ابهرتني
اول شي الالوان جميلة مع انها مو واضحه بالتصوير
بقمنتد مره م تتعبك وانتي تحطي كل شوي
ع رخص سعرها بالعشرينات الا انها تجننن
اخذته تجربه وراح ارجع اخذ منه كمان من نفس الكولكشن
اول باليت اشتريته بحياتي عشان كذا محتفظة فيه من بورجوا
مو ذاك الشي لونه خفيف ينفع للبنوتات المبتدئات وينفع لوك صباحي لانه رايق
يحتاج برايمررر
اي شدو من بودي شوب
شمري مره بس جميل انا طحت فيه فترة وكنت عموما طايحه بهذي النوعيه
بس هذي الفتره صرت احب المات اكثر
اللون واضح وثباته حلو وسهل الدمج احبه في اللوكات السريعه
وهذي النوعية من شدوات بودي شوب مره كويسة
اي شدو منفرد من فلومار
اللون يجنننننن م اعرف كيف اوصفه
وبرضو بجودة الباليت الاول وراح ارجع اشتري منهم لانهم يستاهلو
اي شدو من ماك احس لونه من الالوان المهمه الي لازم تكون عندك
ينفع تحطيه بكامل الجفن
وينفع بكسرة العين تدمجي وتنظفي الاي شدو
لونه حلو تقريبا اقدر اقول بني لحمي شي زي كذا
عندي مشكلة بوصف الالوان
ادع الصورة تتحدث :|
مايبلين كلر تاتو المعروفه
اي شدو كريمي سهل الدمج والوانه حلوه وثابت
ينفع تخليه بيس وتحطيه عليه الوان ثانيه
وينفع تستخدميه لوحده وتدمجيه مع الوان ثانيه
قلتر من محل مكياج نسيت اسمه
ينفع لللوك القلتري الي اتكلمت عنه في البدايه
عن نفسي احب احطه بنص العين فوق اي شدو ثانيه بشكل بسيط ويعطي شكل مره جميل
واحيانا بزاويه العين شوي بس
الايلاينر اليومي او للطلعات الخفيفه احب حق ريميل
فرشتة سهله الاستعمال ويطول معاكي م ينشف ابدا
ولونه حلو
الجل اي لاينر من ميبلين برضو ومعروف قد ايش المدح عليه وبجد م استغنى عنه
عندي منه الاسود والبني والفرشة الي معاه لا يغركم شكلها ترااها مره كويسه وسهلة في الرسم
بس احيانا استخدم فرشة الايلاينر المشطوفه
بودرة الحواجب من بودي شوب هي المفضلة عندي والي استخدمها دايما
الدرجتين ع حسب لون شعري استخدمهم
ومره تطول عندي
ابخ الفرشة بشوي مويه واستخدمه ع طول
باليت مكياجي يحتوي على بودرة وشمع
عندي حالة حب وكره معاه
احيانا احبه واحيانا اكرره
اكرهه لما احسه ثقيل وغثيث ويسيح
واحيانا احبه احسه اوضح وادق
معرف بس ارشح تبع بودي شوب افضلل
واخر شي مسكرة تثيبت الحواجب الشفافة من بودي شوب
الي بقدرة قادر صار كذا لونها
حلوة م فيها شي مميز تثبت كويس بس بدور شي غيرها افضل
اذا جربتو شي حلو قولولي
وبس هذا البوست اتمنى يعجبكم واكون وفيت واتكلمت عن كل شي وما نسيت شي
اذا عندكم استفسارات او اسئلة واقتراحات قولولي في التعليقات او على حسابي في تويتر وانستقرام
@style_ladys
شكرا على دعمكم وروحكم الحلوة
بحفظ الرحمن
موضوع جميل جدا الله يعطيك العافية
ردحذف