مرحبا بنات ..
كيفكم ان شاء الله تمام
بوست اليوم حيكون عن مشترواتي الفتره الي راحت
جمعتها لكم وفي بعضها جديده وبعضها اعرفها وحابتها
وبعضها جربته كم مره بس مقدر احكم عليها الان
بعرض لكم المنتجات عشان لو وحده حابة تروح السوق ممكن تشوف شي يعجبها
او شي تبغاه ف تروح تشتريه
اوكي يلا نبدا ب سنتر بوينت
كنت ابغى اخذ مسكرة ون باي ون الي مره احبها وشفت هذا العرض وعجبني وقلت باخذة لانو اغلب الي موجود
اعرفة واحبه
يحتوي على مسكرة one by one
و مسكرة the colo ssal
و هذي م جربتها
ويحتوي على اي شدو color tattoo "on gold rush
وعندي من قبل لونين ومره حابة هذي الشدوات
و بلشر dream bouncy م قد جربته
و جل لاينر بلون اسود eyes studio lasting drama
مره جميل واحبه وعندي من قبل اسود وبني
واشتريت من ريميل هذا الروج الجميل هوا بين الروج والقلوس
كل مره اشوفه واتردد اخذه لاني مو من محبين القلوسات
بس اخذته وما ندمت لاني جربته ومره حبيته للان
من مجموعة apocalips
درجته مره جميلة موف على اندرتون بنك
وهنا سواتش للبلشر لونو ع الخدود بنك فاتح مره ناعم وجميل
هوا كريمي بس من النوع الي يتحول باودر لما تحطيه ع خدودك
كحل وبنفس الوقت ممكن تستخدميه ك اي شادو من نيكس
لونه بروز خفيف مره يوسع العين وبين كان مو حاطه شي
وكمان ضد المويه
و ع فكره نيكس مسوين عروض وخصومات مره كويسه روحو شوفوها
ومن مجموعة مايبلين سواتش للاي شدو الجميل
درجته بين الذهبي الي يميل ع اصفر
بعدين رحت دايسو واشتريت هذا الشي الي مره صايره ضجه عليه
ع اساس انو تستخدميه في باطن الرجل وتنامي وتقومي
ويكون لون الستكر صار اسود والسبب انو طلع كل السموم في جسمك
والمفروض انك تكوني نشيطه وصحيه وكذا
سبق وجربته مممممم مقدر احكم عليه تمام عشان كذا قلت بشتريه واجربه مره ثانيه ونشوف
اخذت هذي الصحون الكيوت الصغنونه عجبتي للصوص والدريسنج
واخذت اسياخ الشوي لاني مقرره ابدا نظام غذاىي صحي
ادعولي اكمل بس هههههههه
طبعا انا انسانه مره احب الزرع والورود احسها تعطي للبيت جو فرش ومنعش
اخذت هذي الحاجات مدري ايش اسمها الي نزرع فيها هههههههههه
ع اساس ابغى ازرع شي طبيعي ونشوف بيطلع ولا لا
ومعاها السماد
وبرضو هذا الشكل ومعاه السماد الي يناسب حجمه
اذا زرعت ونبتت حوريكم
هذي بطلعة ثانية عشان كذا صورتها لوحدها
من صيدلية بوتس الي مره احبها
اخذت ماسك الشعر الي سبق اتكلمت عنه في موضوع روتيني في الشور
واخذت تشقير قريت رفيوز عنه انو كويس وما يطلع الشعر اصفر فقلت اجرب
واخدت مزيل لشعر الوجه لجميع انواع البشرة بجربه برضو واشوف
من بودي شوب اخذت زبدات للجسم
ع اليمين ب زبدة الكاكاو
واليسار الكرز الياباني سبق وجربتها وعجبني ترطيبها مره مع انو مو مره حابه ريحتها
بعكس العطر الي ريحته جميلة لكن الزبده ريحتها مره صناعيه
واخذت البرونزر هذا اجربه عجبني لونه
سواتش للبرونزر
من الصيدليه اخدت من ويلا بخاخ مكثف للشعر
تبخيه ع الجذور والمفروض يعطيكي فوليوم وحجم للشعر
برضو نجرب ونشوف
ومثبت الشعر من لوريال
مره احبه يثبت الشعر كويس وبنفس الوقت م يخشن الشعر ويخليه طبيعي
مره انصح فيه
ع اليمين اسكينول ب الافوكادو اول مره اجرب هذي النكهه
احب امسح فيه رقبتي واحيانا وجهي وظيفته زي التونر منظف
ومناديل مزيلة للمكياج من جونسون استخدمها من زمان احبها لانها سريعه امسح
وبعدها اغسل وجهي بالغسول
احب النوع الي مخصص للبشره الدهنيه او المختلطه م يدهن الوجه
واخدت اعواد قطن الي راسها مثلث مره كويسه لتعديل الميك اب او التشقير
وقطن مربع احبه اكثر من الدائري لان حجمه كويس تمسحي فيه كل الوجه بسهوله
واخر شي كريم دوف لليد اول مره اجربه
بكذا خلص البوست اتمنى يعجبكم وتستفيدو منه
واذا في شي حابين اقولكم راايئ فيه بعد م اجربه قولولي وحسوي عنو بوست
شكرا لمتابعتكم وتسعدني تعليقاتكم هنا او في حسابي في تويتر
@style_ladys
بحفظ الرحمن ,,
ايش درجتك في البرونزر حق بودي شوب (يعني رقم درجتك )
ردحذفرقم الدرجة ٠٤ ، العفو ي قلبي نورتيني
حذفو مشكوره ع البوست المفيد وبروح انشاءالله اشوف التخفيضات يسلمو ع تخبيرك لنا :) ، بالتوفيق وتابعي =))
ردحذفحبيبتي بليز أذكري الأسعار خصوصا سعر مجموعة مايبلين وشكرًا ع البوست الطعمون : )
ردحذفان شاء الله حبيبتي راح اذكر اسعار الي اتذكره في التدوينات الجايه ، بالنسبه لمجموعة ميبلين سعرها تقريبا ١٢٥، العفو ي قلبي نورتي
حذف