Beauty Blogger Tag ♥ تاق مدونات الجمال

السسسلام عليكم

كيفكم ي حلوين

بوست اليوم حيكون عبارة عن تاق من ابتكار the beau bow

وهذي مدونتها

http://bayanola.blogspot.com/

والي اختارتني هيا الجميله
 

гоочѕн ومره شكرا لك ي قمر

وهذا رابط مدونتها

http://looysh-18.blogspot.com/

يلا نبدا نجاوب الاسئلة

1) سمِ روتين جمالي نادراً تسويه؟

اسوي ماسكات لشعري :/

2) هل غسل فرش المكياج حاجة دورية بالنسبة لكِ ؟

ايوه حاليا مره اهتم اغسلها كثير لانو بشرتي هذي الفتره حساسه من اي شي

 

3) قد ايش تقعدي بطلاء أظافر مشوه؟

ما اقدر اخليه ع طول امسحه

 

4) قد ايش تؤجلي شراء أو استبدال مستحضر بالرغم من مدى حاجتك إليه ؟

اذا ضرورية عندي ع طول باقرب وقت اروح اشتريها

5) ايش هي أسوأ عادة جمالية لكِ؟

احيانا لما اكون كسلانه او تعبانه امسح الميك اب بسرعه وافرك عيوني بعدها تحمر وتحرقني :(

6) سمي حاجة غير متعلقة بالجمال دايماً تؤجليها؟

تطبيق الملابس وترتيبها في الدولاب اكثر شي اكررره وااجله

7) لمن مخططة تخرجي ، هل تستعدي من بدري ولا في آخر لحظة؟

ايوه احب استعد من بدري لاني اطول وانا اتجهز واحب اخذ راحتي

8) تقدري تلتزمي بفكرة انك تمنعي نفسك من النزول للسوق و الشرا؟

زمان م كنت احب انزل السوق ابدا الا لما اشتري الان لا عادي اروح اتمشى واتفرج

واقدر اقاوم م اشتري الحاجات الي م احتاجها

9) قد ايش مجموعة مكياجك و مناكيراتك مرتبة؟

مرتبه جدا لاني انسانه احب ارتب كل شي عندي مرض الترتيب :/

10) أطول فترة قعدتِ فيها بدون ماتكتبي بوست عالبلوق تبعك؟

تقريبا اسبوع

أختاري 5 بيوتي بلوقرز عشان يجاوبوا عالتاق♡♡

اختار الجميلات

-@Altaf_Blogger

-@AroundFog

- @SamAl3in

- @sarh_makeup

-@le_pardon

 

وبس هذا بوست اليوم كان جميل وخفيف وانبسطت وانا اجاوب الاسئلة

وانتظر البنوتات الجميلات الي اخترتهم وخذو راحتكم جاوبو متى م تحبو


اشوفكم ببوست قريب

بحفظ الرحمن ,,